నవగ్రహ స్తోత్రం
నవగ్రహ ధ్యాన శ్లోకం
ఆదిత్యాయ చ సోమాయ మంగళాయ బుధాయ చ ।
గురు శుక్ర శనిభ్యశ్చ రాహవే కేతవే నమః ॥
రవిః
జపాకుసుమ సంకాశం కాశ్యపేయం మహాద్యుతిం ।
తమోఽరిం సర్వ పాపఘ్నం ప్రణతోస్మి దివాకరం ॥
చంద్రః
దథిశంఖ తుషారాభం క్షీరార్ణవ సముద్భవం (క్షీరోదార్ణవ సంభవం) ।
నమామి శశినం సోమం శంభో-ర్మకుట భూషణం ॥
కుజః
ధరణీ గర్భ సంభూతం విద్యుత్కాంతి సమప్రభం ।
కుమారం శక్తిహస్తం తం మంగళం ప్రణమామ్యహం ॥
బుధః
ప్రియంగు కలికాశ్యామం రూపేణా ప్రతిమం బుధం ।
సౌమ్యం సౌమ్య (సత్వ) గుణోపేతం తం బుధం ప్రణమామ్యహం ॥
గురుః
దేవానాం చ ఋషీణాం చ గురుం కాంచనసన్నిభం ।
బుద్ధిమంతం త్రిలోకేశం తం నమామి బృహస్పతిం ॥
శుక్రః
హిమకుంద మృణాళాభం దైత్యానం పరమం గురుం ।
సర్వశాస్త్ర ప్రవక్తారం భార్గవం ప్రణమామ్యహం ॥
శనిః
నీలాంజన సమాభాసం రవిపుత్రం యమాగ్రజం ।
ఛాయా మార్తాండ సంభూతం తం నమామి శనైశ్చరం ॥
రాహుః
అర్ధకాయం మహావీరం చంద్రాదిత్య విమర్ధనం ।
సింహికా గర్భ సంభూతం తం రాహుం ప్రణమామ్యహం ॥
కేతుః
ఫలాశ పుష్ప సంకాశం తారకాగ్రహమస్తకం ।
రౌద్రం రౌద్రాత్మకం ఘోరం తం కేతుం ప్రణమామ్యహం ॥
ఫలశ్రుతిః
ఇతి వ్యాస ముఖోద్గీతం యః పఠేత్సు సమాహితః ।
దివా వా యది వా రాత్రౌ విఘ్నశాంతి-ర్భవిష్యతి ॥
నరనారీ-నృపాణాం చ భవే-ద్దుఃస్వప్న-నాశనం ।
ఐశ్వర్యమతులం తేషామారోగ్యం పుష్టి వర్ధనం ॥
గ్రహనక్షత్రజాః పీడాస్తస్కరాగ్ని సముద్భవాః ।
తాస్సర్వాః ప్రశమం యాంతి వ్యాసో బ్రూతే న సంశయః ॥
ఇతి వ్యాస విరచితం నవగ్రహ స్తోత్రం సంపూర్ణం ।
